യാത്രാനുഭവം 2

ഏറണാകുളം - തിരുവനന്തപുരം യാത്രക്കിടയില്‍ ലഭിച്ച മറ്റൊരു അനുഭവം ഓര്‍ത്തു പോകുകയാണ്. സ്ഥിരമായി യാത്ര ചെയ്യുന്ന ജനശതാബ്ദി വണ്ടിയിലാണ് യാത്ര. സംഗതി വേറൊന്നുമല്ല. ഒരു സഹയാത്രികയുടെ പെരുമാറ്റങ്ങള്‍ പിടിക്കാതെ വന്നപ്പോള്‍ പ്രതികരിക്കേണ്ടി വന്നു. സംഭവം ഇതാണ്:ഭക്ഷണ അവശിഷ്ടങ്ങള്‍,ബിസ്കറ്റ് കവര്‍, എന്തിനു അവര്‍ ചൂടിയിരുന്ന മുല്ല പൂവുവരെ എന്തോ നിധി സൂക്ഷിക്കുന്ന പോലെ തൊട്ടടുത്ത സീറ്റില്‍ (എന്റെയും ആ സ്ത്രീയുടെയും നടുവിലത്തെ സീറ്റ്)സൂക്ഷിച്ചു വെച്ച് കൊണ്ടിരുന്നു. ആദ്യം ഞാന്‍ വിചാരിച്ചത് ഇവ ഏതെങ്കിലും സ്റ്റേഷനില്‍ വലിച്ചെറിയാന്‍ എന്നാണ്. പക്ഷെ ഓരോ സ്റ്റേഷന്‍ വന്നു പോയി. എല്ലാം യഥാസ്ഥാനത് തന്നെ. നിവൃത്തി ഇല്ലാതെ വന്നപ്പോള്‍ ഞാന്‍ ചോദിച്ചു, "എന്തിനാ ഇങ്ങനെ ഇത് ഇവിടെ കൂട്ടി വെക്കുന്നേ, ആ ജന്നലില്‍ കൂടി കളഞ്ഞൂടെ?" പ്രതീക്ഷിച്ച മറുപടി ഉടന്‍ കിട്ടി,"This is none of your business" എത്രയോ പറഞ്ഞു നോക്കി, വളരെ തര്‍കിച്ചു പരിചയമില്ലാത്തതിനാല്‍ റെയില്‍വേ ഉദ്യോഗസ്ഥന്റെ സഹായം തേടേണ്ടി വന്നു. "വാദി പ്രതിയായെന്നു പറഞ്ഞാല്‍ മതിയല്ലോ", ഉദ്യോഗസ്ഥന്‍ എത്തിയപ്പോള്‍ ആ മഹിള രത്നത്തിന്റെ വിധം മാറി. "അവരെ ഞാന്‍ സ്വൈര്യമായി യാത്ര ചെയ്യാന്‍ സമ്മതിക്കുന്നില്ല" എന്നായി കഥ
നടന്ന സംഭവം ഞാന്‍ അദ്ദേഹത്തോട് വിശദമായി പറഞ്ഞു കൊടുത്തപ്പോഴോ, "അത് മോനൊന്നു എടുത്തു കളഞ്ഞൂടെ" എന്ന് ഉദ്യോഗസ്ഥനും. പക്ഷെ സ്ഥിതി കൂടുതല്‍ വഷളാകും എന്ന് മനിസിലായപ്പോള്‍ കൊല്ലം സ്റ്റേഷനില്‍ വണ്ടി നിര്‍ത്തി സ്റ്റേഷന്‍ സ്വീപ്പര്‍ അത് ക്ലീന്‍ ചെയ്യേണ്ടി വന്നു, അപ്പോഴും നടക്കുന്നതൊന്നും അറിയാത്ത മട്ടില്‍ ആ സ്ത്രീ രത്നം ഒരു പുതിയ ബിസ്കറ്റ് കവര്‍ കൂടി പൊട്ടിച്ചു.......:-)

ഇതാണ് ഇന്നത്തെ അവസ്ഥ, എന്ത് പറയാന്‍ ഇത് കലികാലം........